އިރުޝާދުގެ އަޑެއް
މުޙައްމަދު ރަފީޢު / ކަރަންކާމާގެ
ދިމާއަށް ދޮގުބަހުން ތާރީފުކުރުމީ މަދުކަމެއް ނޫނޭ
ތިމާއަށް ހެޔޮއެދޭ މީހުންނަކީ މާގިނަބައެއް ނޫނޭ
އަސަރުގައި ހެޔޮއެދޭގޮތް ދައްކަމުން ބަސް ފޮނިކުރާއިރުގައި
ހަސަދަވެރިކަމުގެ އަލިފާނު ން އަނދާ ހިތްތައް މަދެއް ނޫނޭ
ވަފާތެރި އެންމެ ތެދުވެރިވީ ގޮތަށް ބޭރުން ވިޔަސްފެނިފައި
ތަފާތުވެފައި އެތެރެފުށް ހުރުމަކީވެސް އައު ކަމެއް ނޫނޭ
ފެޔަށް ހަމަޖެހިނުލައި ލޯބީގެ ބަސްތައް އިއްވަ އިއްވާފައި
ލެޔަށްއެދި ފެންބޮވައިގެން ދެކޮޅުވުމަކީ ދުރުކަމެއް ނޫނޭ
ޔަޤީނޭ ދުނިޔެ ދަސްކޮށްދޭ ފިލާވަޅު ވިސްނަނީވިއްޔާ
ޙަޤީޤަތުގައި ބުނަންޖެހެނީ މިއީ ތިޔަވަރު ތަނެއް ނޫނޭ
(ރީތި ޅެން 4 ޞ 23)
ތިމާއަށް ހެޔޮއެދޭ މީހުންކަމުގައި ހެދިގެން ދޮގުބަހުން ތަޢުރީފުކުރުމަކީ
ވަރަށް އާއްމު ކަމެކެވެ. ތިމާއަށް ހެޔޮއެދޭ މީހުންވެސް އުޅޭނެއެވެ. އެހެންނަމަވެސް އެއީ ދާދި މަދު
ބައެކެވެ. ބައެއްމީހުން ދުލުންބުނެލާ ފޮނި ބަސްތަކުން ހެޔޮއެދޭގޮތް ދެއްކި ނަމަވެސް
އެމީހުންގެ ހިތުގައި އޮންނާނީ ހަސަދަވެރިކަމާއި ނަފުރަތުނޫން
އެހެންއެއްޗެއްނޫނެވެ. އެފަދަ މީހުންނަކީ ރައްޓެހިން ކަމުގައި ބަލައިގެން އުޅެންފަށައިފިނަމަ
އެމީހުންގެ މަކަރުވެރި ރޭވުންތަކުގައި ޖެހިދާނެއެވެ. އަދި ބައެއްމީހުން ބޭރުފުށުން ތެދުވެރި
ވަފާތެރިއެއް ފަދައިން ފެނުނަސް އެތެރެފުށް ތަފާތުވެފައި ހުރުމަކީ މިހާރަކު މާ
އައުކަމެއްނޫނެވެ. އަޅުގަނޑުމެން ދުނިޔެއަށް ރަނގަޅަށް ވިސްނާފިކުރުކޮށްފިނަމަ ދުނިޔެއަކީ ކިހާ
ކެހިވެރިތަނެއްކަން ދިމާއަށް ހާމަވާނެއެވެ. އެހެނީ މީހަކު މާ ލޯބިވާކަން ދައްކައި މަތި
އޮމާންކޮށްގެން ލޯބީގެ ބަސްތައް ބުނަމުންދާއިރު އެއީ ތިމާގެ ލެއަށް
ފެންބޮވައިގެންފައިވާ ދުޝްމަނަކަށްވެސް ވާފަހަރު އާދެއެވެ. ހަމައެއާއެކު ފެންނަ އަނެއް ހަޤީޤަތަކީ ގިނަފަހަރަށް ތިމާއަށް
ކެހިދޭނީ ތިމާއާ އެންމެ ގާތުގައި އުޅޭމީހެއްކަމެވެ. އެހެންވެސް ވެފައި އެބަހުއްޓެވެ.އެގޮތުން ދުނިޔޭގައި އުޅެމުން ދާއިރު ކޮންމެ ދުވަހަކުވެސް
މި ދަސްވަމުންދާ އެތަކެއް ފިލާވަޅުތަކަށް ވިސްނާފިއްޔާ، ހަޤީޤަތުގައި ބުނަންޖެހެނީ
ދުނިޔެއަކީ ތިޔަ ހީކުރާވަރުގެ ތަނެއްނޫންކަމަށެވެ. ވީމާ ޅެންވެރިޔާ ދޭންބޭނުންވާ
މެސެޖަކީ ތިމާގެ ބުއްދި އެއްފަރާތް ކޮށްފައި، ހަމަ މީހަކު ދައްކާ ދަޅަތަކަށް
ހެއްލި ނުގަންނާށެވެ. ދުނިޔޭގައި އުޅެންވާނީ ކެހިވެރިންވެސް އުޅޭކަންދަނެ ދުނިޔެ
ދޭ ފިލާވަޅުތަކަށްވެސް ވިސްނާގެންކަމެވެ.
.
"އެހެނަސް" ބޭނުން ކުރާނީ އެއަށްފަހު އަންނަ ވާހަކަ، ކުރީގެ ޖުމްލައާ ޚިލާފުވާނަމަ.
ردحذفFudheyvarakah massala gina.
ردحذف