ރާޒިއާ އަކީ ދެކުދިންގެ މަންމަ އެކެވެ. އޭނާގެ އެއްކުއްޖަކު ހުންނަނީ އޭލެވެލް ކިޔެވުމަށްޓަކައި މާލޭގައެވެ. އަނެއްކުއްޖާ އުޅެނީ ރަށު ސުކޫލުގެ ގުރޭޑް 8 ގައެވެ. ދުވަސްވަރަކީ ސުކޫލުތަކުގެ ކިޔެވުން އެއްދަންފަޅި އަށް ބަދަލުކުރުމުގެ ކުރިކަމުން ގުރޭޑު 8 އަކުން މަތީގެ ހުރިހާ ކުދިންވެސް ދާންޖެހޭނީ ހެދުނެވެ. އޭނާގެ ފިރިމީހާ އަކީވެސް ސަރުކާރުގެ ވަޒީފާއެއްގައި އުޅޭ މީހެކެވެ. ވުމާއެކު އޮފީހަށް ދާންޖެހެނީ ހެދުނެވެ. އޭގެތެރެއިން އެއްދުވަހެވެ.
ކުއްލިއަކަށް
ސިއްސައިގެންގޮސްފައި ރާޒިއާއަށް ހޭލެވުމާއެކު އަވަސް އަވަހަށް ގަޑިޔަށް
ބަލާލިއިރު ކަމަކު ދާކަށް ނެތެވެ އެއޮށް ގެން ހަ އެއް ޖެހީއެވެ.
ފަތިސްނަމާދަށްވެސް ނުހޭލެވުނީއެވެ. ވުމާއެކު އޭނާހުރީވެސް ވަރަށްބޮޑަށް
ދެރަވެފައެވެ. އެއާއެކު ނުގޮވީކަން ހިތަށްއެރުމުން ފިރިމީހާ ދެކެވެސް
ރުޅިއާދެވުނެވެ. ކޮޓަރިތެރެ ބަލައިލިއިރު ފިރިމީހާ އެއްވެސް ނެތެވެ. އޭނާގެ
ހިތައްއެރިއެވެ. މިއަދު ހާދައަވަހަށް އޮފީހަށް ދިޔަދުވަހެކެވެ. ތިމަންނައާއި
ޖެއްސުމަށް ސައިވެސްނުބޯ ދިއަ ދުވަހެކެވެ. އެއާއެކު އޭނާ ދަރިފުޅު މަތިން
ހަންދާންވިއެވެ.
ދުވެފައި
ކަހަލަގޮތަކަށް ދަރިފުޅުގެ ކޮޓަރިއަށްވަނީ ސުކޫލަށް ދިޔުމަށްޓަކައި ގޮވާށެވެ.
ކޮޓަރީގެ ދޮރުހުޅުވާލުމާއެކު އޭނާގެ ދެލޯ މުދުނަށްއެރިއެވެ.ދަރިފުޅު
ކޮބައިބާވައެވެ؟ ފާހާނާ ތެރެވެސް ބަލާފިއެވެ. ދަރިފުޅެއް ނެތެވެ. މުޅިގޭތެރެވެވެސް
ހޯދިއްޖެއެވެ. އޭނާގެ ހިތްރޯމަހެއްތެޅޭހެން ތެޅެންފަށައިފިއެވެ. ކުއްލިއަކަށް
އޭނާއަށް ދަރިފުޅު ސުކޫލަށް ގޮސްފާނެކަމުގެ ހިޔާލުއައެވެ. ވުމާއެކު ޔަގީން
ކޮށްލުމަށްޓަކައި ފޮތްދަބަސް ހުރިތޯ ބަލައިލިއެވެ. ފޮތްދަބަހެއް ނެތެވެ. ނަމަވެސް
ދަރިފުޅު ސައިވެސް ނުބޯ ސުކޫލަށް އެހާ އަވަހަށް އެ ދިޔައީ ކީއްވެގެންތޯ އޭނާ ހިތާ
ހިތާ ސުވާލުކުރަން ފެއްޓިއެވެ. އަނެއްކާ މިއަދު މިއީ ހާއްސަ ދުވަހެއްތޯ
ކަލަންޑަރުވެސް ބަލާލިއެވެ.އެހެންނަމަވެސް މިއަދަކީ ހާއްސަ ދުވަހެއް ކަމަކަށް
ނެތެވެ.
އޭނާ ހިތަށް
އެރިއެވެ. މިތާކައިރި އަވަށްޓެރިއެއް ކައިރީ އަހާލަން ދާންވެއްޖެއެވެ. އެހެންވެ
އަވަސްއަވަހަށް ކުރިމަތީ ހުރި މަރިޔަންފުޅުގެ ގެޔަށް އޭނާދިޔައެވެ. އެގެޔަށް
ދިޔައިރު މަރިޔަންފުޅު އޭނާގެ ގުރޭޑް 4 ގައި އުޅޭ ކުއްޖާގެ ބޮލުގައި ފުނާއަޅަން
ހުއްޓެވެ. ކައިރީގައި އޭނާގެ އެހެން ދަރިޔަކުވެސް ޔުނީފޯމް އަޅައިގެން
ސުކޫލަށްދާން ތައްޔާރުވެފައި ހުއްޓެވެ. ރާޒިއާގެ ހިތަށްއެރި ހަމަޔަޤީނުންވެސް މިއީ
ވަރަށް ހާއްސަ ދުވަހެކެވެ. އެހެންނޫންނަމަ ހެދުނު ގަޑިޔަކު މެންދުރުފަހު ދާ
ކުދިންނެއް ނުދާނެއެވެ. ވުމާއެކު އޭނާ މަރިޔަން ފުޅު ގާތުގައި މިއަދަކީ މާހާއްސަ
ދުވަހެއްތޯ އަހާލިއެވެ. އަދި ހޭލެވުނީ ދެންމެއަކު ކަމަށާއި ހޭލިއިރު ދަރިފުޅުވެސް
ސައިނުބޮއި ސުކޫލަށް ގޮސްފައިހުރިވާހަކަ ބުންޏެވެ. މަރިޔަންފުޅުގެ
ދެދަރިންހޭންފަށައިފިއެވެ. ރާޒިއާ ގާތަށް ރުޅިއަތުވެއްޖެއެވެ. އަދި އެމީހުން
އެހެނީ ކީއްވެތޯ ސުވާލުކުރިއެވެ. މަރިޔަންފުޅު ވެސް ހޭންފެށިއެވެ. "މިއަދު
މިއީ މާ ހާއްސަ ދުވަހެއް ނޫން. މިއަދު ސުކޫލަށް މިގެންދަނީ އެހެންޏާވެސް ސުކޫލަށް
ގެންދާގަޑީގަ. އެއޮށް ބާރަގަޑި ސާޅީސް ވީނުންހެއްޔެވެ؟ ރާޒިއާ އަށްވާ ހަމަ ސާބަސް.
އަވިދޭއިރުވެސް ނޭނގޭ ހެއްޔެވެ؟" ރާޒިއާވެސް ގަޑިޔަށް ރަނގަޅަށް ބަލާލިއެވެ.
ތެދެކެވެ. ބާރަގަޑި ސާޅީސް ވީއެވެ. އޭނާއަށް އޮޅުނީއެވެ. "އަހަރެންނަށް
ފޫހިވެގެން 11 ޖެހިއިރު ޖައްސާލިތަނާނިދުނީ. ހޭލެވުނުއިރު އަސްލު އެވީ ބާރަގަޑި
ބާ. ނިދިބުރާންތިވެފައި ހުރިވަރުން ކުޑަ ކަށްޓާއި ބޮޑުކަށި އޮޅުނީ." އޭނާގެ
ގާތަށްވެސް ހިނިއަތުވެއްޖެއެވެ. އޭނާ ރޭގަ ފަތިސްނަމާދުވެސް ކުރިއެވެ. ދަރިފުޅަށް
ސުކޫލަށްދާން ކިރުތަށި ދިނީވެސް އޭނާއެވެ. ފިރިމީހާއަށް ކާންހެދީވެސް އޭނާގެ
ދެއަތުންނެވެ.
ވަރަށް ސަޅި އިނގޭ
ردحذف