ހޭލެވުނީ ފޯނު
ރިންގުވާ އަޑަށެވެ. ބަލާލިއިރު ލަސްވެގެން ދަތުރުގެ ބައިވެރިއެއްކަމުގައިވާ ޒާނާ
ގުޅަނީއެވެ. އޭރު ގަޑިން 5:30 ވަނީއެވެ. ފެންވަރާ ތައްޔާރުވެގެން ޒާނާމެން ގެޔަށް
ގޮސް އޭނާއާއެކު ބަނދަރު މައްޗަށް ދިޔައިރު އަހަރެމެން ފިޔަވައި ހުރިހާ
އެންމެންވެސް ތިބީ ދަތުރު ދިޔުމަށް ހަމަޖެހިފައިވާ މުތީ ދޯންޏަށް އަރާފައެވެ. ދޯނި
ރަށުން ފުރީ ހެދުނު 6:15 ހާއިރުއެވެ. ދުވަހަކީ 2015 އޭޕްރީލް 30 ވަނަ ދުވަހެވެ. އިހަވަންދޫ
މަދަރުސާގެ ޕްރިފެކްޓް ބޯޑުގެ ފަރާތުން ށ.މިލަންދޫ އަށް ތަޖްރިބާ ދަތުރެއް ކުރާ ދުވަހެވެ. މިދަތުރުގައި
ބައިވެރިވަނީ އަޅުގަނޑު ހއ. ތުރާކުނު މަލާމެލި މަރިޔަމް ޒޫނާގެ އިތުރުން 60
ޕްރިފެކްޓުންނާއި ބައެއްކުދިންގެ ބެލެނިވެރިންނާއި ޕްރިފެކްޓް ބޯޑުގެ މެންބަރުން
އަދި ސުކޫލުގެ އިސްވެރިންނެވެ.
ދަތުރުމަތީގައި
ދެތިން ކުއްޖަކު ހޮޑުލުން ފިޔަވައި މާބޮޑު ކަމެއް ނުހިނގައެވެ. އެންމެންވެސް ތިބީ
ފޯނުން ކޮންމެވެސް ކަމެއް ކުރުމުގައެއެވެ. އެއްބަޔަކު ސެލްފީއާއި ފޮޓޯތައް
ނެގުމުގައި އުޅުނު އިރު އަނެއްބަޔަކު އުޅުނީ ފޭސްބުކް ސްޓޭޓަސް
އަޕްޑޭޓްކުރުމުގައެވެ. ބައެއް ބެލެނިވެރިން ކޮންމެ ވެސް އޮލަވާހަކަތަކެއްގައި
ތިއްބެވެ. އަހަރެންވެސް ފޫހިވެގެން ގޭމްކުޅެލަން އިނީއެވެ. ތިން ގަޑިއިރުގެ ނިޔާމަ
ދަތުރަކަށްފަހު ށ. މިލަންދޫ އަށް ލެފުނީ 9:15 ހާކަން ހާއިރުއެވެ. މިލަންދޫ އަކީ
ބޮޑު، މަލަމަތި ފެހި ރަށެކެވެ.
ރަށުގެ ފަޅާ ހަމައަށް ދިއުމުން އަހަރެމެންނަށް
މަރުހަބާ ކިޔުމަށްޓަކައި އެ ރަށުގެ ވަރަށް ގިނަ ބަޔަކު އެތުރިލާގެން ތިބި މަންޒަރު
ފެނުނެވެ. އެންމެ ބޮޑަށް ފާހަގަވީ ޔުނީފޯމްގައި ތިބި ޕްރިފެކްޓުންނެވެ. އަދި
މަރުހަބާ ކިޔުމަށްޓާކައި ފާލަމުގައި ދަމާފައިވާ ފޮތިގަނޑެވެ. ރަށަށް ލެފުމާއެކު
މާބޮޑިއާއެކު ފިނި ކުރުނބާ އެރުވިއެވެ. ދެން ހުރިހާ އެންމެންވެސް މިސްރާބު ޖެހީ
ރަށު ސުކޫލާ ދިމާއަށެވެ. މިލަންދޫ ސުކޫލަކީ އަހަރެންނަށް ފެނުނު ސުކޫލުތަކުގެ
ތެރެއިން ވަރަށް ރީތި ސުކޫލެކެވެ. ސުކޫލަށް ގޮސް ކޮންމެ މީހަކުވެސް ގެންދަން
ހަމަޖެހިފައިވާ ކުއްޖާއަށް ހަވާލު ކުރުންއޮތެވެ. މި ކަންތައްތައް ނިމުމުން
ހަވާލުވި ކުއްޖާއާއެކު އަހަރެން އޭނާގެ ގެޔަށް ދިޔައީއެވެ. ދެން އޮތް އިވެންޓު
ފެށެން ގަޑިއެއްހާއިރު އޮތުމުން ފެންވަރާ ތާޒާ ވެލައިގެން އެކުއްޖާއާއެކު ނުކުތީ
ރަށުތެރެ ބަލާލުމަށެވެ.
11:15 ގައި އޮތީ
ރަށުގެ އެކިއެކި މަސައްކަތްކުރާ ތަންތަނަށް ގޮސް މަޢުލޫމާތު ހޯދުމާއި ރަށުގެ
ދުވަސްވީ މީހުންގެ ކަރިއަށްގޮސް ތަފާތު މަޢުލޫމާތު ހޯދުމެވެ. އެގޮތުން ތަފާތު
ތަންތަނަށް ގޮސް ވަރަށްގިނަ މަޢުލޫމާތު ލިބިގެންދިޔައެވެ. އެއަށްފަހު 3:00 ޖެހި
އިރު ހުރިހާ ބައިވެރިންގެ ޝަރަފުގައި އޮތް ޖާފަތަކަށް އިންސާފު ކުރުމަށްފަހު
އެރަށުން ފުރި އިރު 4:00 ވެއްޖެއެވެ. އަހަރެމެން ފުރުވަން އައިސް ރަށު އެންމެހެން
ފައްޗަކަށް އޮތެވެ. ހަދިޔާތައް ގިނަކަމުން ދޯނީގައި ފައިއަޅާލާނެ
ހުސްތަންކޮޅެއްވެސް ނެތެވެ. އަހަރެން ހުރި ގޭގެ މީހުންވެސް ވަރަށް ހެވެވެ. މި
ދަތުރަކީ އަހަރެންނަށް ވަރަށް ގިނަ މަޢުލޫމާތު ލިބިގެންދިޔަ ދަތުރެކެވެ. އަހަރެމެންނަށް
ރަށަށް ލެފުނު އިރު ރޭގަނޑު ހަތެއްވެސް ޖަހާފިއެވެ.
ޚިޔާލު :
ޚިޔާލު ފާޅުކުރެއްވުމަށް
ހިޔާލު