ލިޔުނީ: އައިޝަތު ރީމް
އަހަރެންގެ ހިތް ކަލާގާތު އަހަރެން ކަލާދެކެ ވަރަށް ލޯބިވެއޭ ބުނަން ބޭނުންވެއެވެ. ކަލާއަށް ނޭނގުނަސް އަހަރެންމީ އަބަދުވެސް ކަލާގެ މީހެކެވެ. އަހަރެން ދިރިހުރިހާ ދުވަހަކު ކަލާޔާއެކުވާނަމެވެ. ހަނދުގެ ދޯދި ފަދައިން އަހަރެން ކަލާ ގާތުވާނަމެވެ. އަހަރެންގެ ހިތުން ކަލާގެ ލޯބި ފުހެވޭނެ ދުވަސް އެއީ، އަހަރެންގެ ދިރިއުޅުމުގެ އެންމެ ފަހުދުވަހަށްވާނެއެވެ.
އަހަރެންގެ ލޮލަށް ބަލާލިއަސް ކަލާނޫން މީހަކަށް މި ލޮލަކުން ލޯތްބެއް ނުފެންނާނެއެވެ. އަހަރެންގެ ހިތުން ކަލާގެ ލޯބި ފުހެވޭނެ ދުވަސް އެއީ، އަހަރެންގެ ދިރިއުޅުމުގެ އެންމެ ފަހުދުވަހަށްވާނެއެވެ.
އެއްވެސް މީހަކު ނުދެކޭފަދަ ހުވަފެނަކަށް އަހަރެންވެއްޖެއެވެ. ކަލާޔާނުލާ ފުރިހަމަ ނުވާނޭ ވާހަކައަކަށް އަހަރެންވެއްޖެއެވެ. އަހަރެންގެ އެއް އަތުގައި ކަލާގެ އަތްވާނަމަ، އަނެއް އަތުގައި އެކައްޗެއްނެތަސް ފުރިހަމަވެފައިވާ މީހެއްކަމުގައި އަހަރެން ވެއްޖެއެވެ. އަހަރެންގެ މުޅިދުވަސް ވޭތުވެގެން މިދަނީ ކަލާގެ ނަން ލިޔުމުގައެވެ. އަހަރެންގެ މި ދީވާނާކަން ކަލާއަށް ފެންނާނެނަމައެވެ. އަހަރެންގެ ހިތުން ކަލާގެ ލޯބި ފުހެވޭނެ ދުވަސް އެއީ، އަހަރެންގެ ދިރިއުޅުމުގެ އެންމެ ފަހުދުވަހަށްވާނެއެވެ
އަހަރެންނަށް އަބަދުމެ ކުރެވޭ ޝަކުވާ އަކީ ކަލާޔާ މާ ލަހުން ދިމާވުމުން ކުރެވޭ ޝަކުވާއެވެ. ކަލާ އަހަރެންގާތު ލޯބިވަމޭވެސް ނުބުނެ ހަމަ ތިހެން ހުންނާނީ ހެއްޔެވެ. އެއްވެސް މީހަކަށް ދެން އަހަރެންގެ ހިތަކުނުޖެއްސޭނެއެވެ. ސަބަބަކީ ކަލާތީ އަހަރެންގެ ހިނިތުންވުން ކަމުގައިވެފައިވާތީއެވެ. އަހަރެންގެ ހިތުން ކަލާގެ ލޯބި ފުހެވޭނެ ދުވަސް އެއީ، އަހަރެންގެ ދިރިއުޅުމުގެ އެންމެ ފަހުދުވަހަށްވާނެއެވެ.
ޚިޔާލު :
ޚިޔާލު ފާޅުކުރެއްވުމަށް
ހިޔާލު